आर्थिकदृष्ट्या वंचितांचे ‘खेळघर’ : आर्थिकदृष्ट्या वंचित कुटुंबातील विद्यार्थ्यांमध्ये अध्ययनक्षमता विकसित करणे आणि औपचारिक शिक्षणाला अनौपचारिक शिक्षणकृतीची जोड देणे, या दोन प्रमुख उद्देशातून मा. दादांच्या संकल्पनेतून खेळघर उपक्रमाची सुरुवात झाली. सध्या शहरातील २३ ठिकाणी हा उपक्रम कार्यन्वित असून, प्रत्येक खेळघरात २० ते २५ असे आर्थिकदृष्टया वंचित कुटुंबातील एकूण सुमारे ५०० विद्यार्थी शिक्षण घेत आहेत.

आदर्श ग्राम दत्तक योजना : गावं समृद्ध झाली तर देश समृद्ध होईल हे जाणून महात्मा गांधीजींनी ‘खेड्याकडे चला’ हा मंत्र दिला होता. त्यांच्याच पावलावर पाऊल टाकत पंतप्रधान नरेंद्र मोदींनी संपूर्ण देशभरात ‘आदर्श ग्राम योजना’ राबवली. याच धर्तीवर मा. चंद्रकांतदादा पाटील यांनीही कोल्हापूर जिल्ह्यात आदर्श ग्रामदत्तक योजनेतून मौजे दारवाड आणि खानापूर (ता. भुदरगड) ही दोन गावे दत्तक घेऊन शाश्वत शेतीचा प्रयोग राबवून गावाचा कायापालट केला.


आदर्श ग्राम दत्तक योजना : गावं समृद्ध झाली तर देश समृद्ध होईल हे जाणून महात्मा गांधीजींनी ‘खेड्याकडे चला’ हा मंत्र दिला होता. त्यांच्याच पावलावर पाऊल टाकत पंतप्रधान नरेंद्र मोदींनी संपूर्ण देशभरात ‘आदर्श ग्राम योजना’ राबवली. याच धर्तीवर मा. चंद्रकांतदादा पाटील यांनीही कोल्हापूर जिल्ह्यात आदर्श ग्रामदत्तक योजनेतून मौजे दारवाड आणि खानापूर (ता. भुदरगड) ही दोन गावे दत्तक घेऊन शाश्वत शेतीचा प्रयोग राबवून गावाचा कायापालट केला.

सावली केअर सेंटर : विविध आजारांनी ग्रासलेल्या आणि अंथरुणाला खिळलेल्या रुग्णांच्या सेवेसाठी मेरिड-इंडिया (Medical Relief and Education Public Charitable Trust-INDIA) च्या अंतर्गत ‘सावली केअर सेंटर’ हा प्रकल्प सुरु झाला. सावली मध्ये रुग्णांची २४ तास संपूर्ण नर्सिंग केअर, डॉक्टरांकडून तपासणी, त्यांच्या सल्ल्यानुसार आहार, फिजिओथेरपीचे व्यायाम तसेच अत्यावश्यक सेवांतर्गत ऑक्सिजन सिलेंडर, नेब्युलायझर, सक्शन मशीन, अॅम्ब्युलंस (रुग्णवाहिका), एक्स-रे अशा सेवा उपलब्ध करुन देण्यात आल्या आहेत.

कोल्हापूर रस्ते सौंदर्यीकरण प्रकल्प : कोल्हापूर शहराच्या सौंदर्यात आणखी भर घालावी या उद्देशाने ‘कोल्हापूर रस्ते सौदर्यीकरण प्रकल्प’ (केएसबीपीने) सुरु करण्यात आला. या संस्थेच्या माध्यमातून आधुनिक शिक्षण घेतलेल्या तरूणांच्या टीमने कोल्हापूरचे स्मार्ट सिटीत रुपांतर केले आहे. तसेच शहरातील उजाड चौकांमध्ये आकर्षक वृक्षारोपण करुन शहराचे रुपडे पालटले आहे. या संस्थेच्या माध्यमातून आजमितीस महाराणी ताराराणी चौक, बिंदू चौक, पोलीस मुख्यालय चौक, शिवाजी विद्यापीठ, पोस्ट ऑफिस चौक या ठिकाणांचे सौंदर्यीकरण करुन शहराला स्मार्ट बनवलं आहे.

बीजमाता राहिबाई पोपेरेंना मदतीचा हात : शाश्वत शेती करण्यासाठी जुन्या धान्याची वाणं आज खूप कमी ठिकाणी उपलब्ध आहेत. अशा पारंपारिक आणि देशी वाणाचं जतन करणाऱ्याचं काम अहमदनगर जिल्ह्यातील कोंभाळणे या आदिवासी खेडे गावातील महिला शेतकरी राहिबाई पोपेरे करीत आहेत. या बीजमातेला देशी वाणांचे मोठ्या प्रमाणात जतन करण्याची मनोमन इच्छा होती. पण आर्थिक परिस्थितीमुळे ते शक्य होत नव्हते. अशातच पुण्यात एका पुरस्कार प्रदान कार्यक्रमात राहिबाईंनी आपल्या मनीची व्यथा मंत्री चंद्रकांतदादा पाटील यांच्यासमोर मांडली. मा. दादा यांनीदेखील तात्काळ त्यांची व्यथा समजून घेऊन त्यांना बियाण्यांची बँक उभी करुन देण्याविषयी आश्वस्त केले. हे आश्वासन केवळ शब्दातच नव्हे, तर प्रत्यक्षात देखील उतरवले. सुमारे २५०० चौरस फुटांचे अत्याधुनिक पण त्याला अधुनिकतेची जोड देणारी बीज बँक उभारुन दिली. सध्या या बीजबँकेत ५४ पिकांचे ११४ गावरान वाण शास्त्रशुध्द पद्धतीने जतन केले जात आहे.

जळगावमधील दिव्यांगांना मदतीचा हात : जळगाव जिल्ह्यातील दिव्यांग तथा शारिरीकदृष्टया दुर्बलांसाठी चाळीसगावमध्ये स्वयंदीप फाऊंडेशन आणि जळगावमधील दीपस्तंभ फाऊंडेशनच्या माध्यमातून दिव्यांगासाठी व्हीलचेअर उपलब्ध करुन दिल्या. तर जळगाव शहरातील दीपस्तंभ फाऊंडेशनला दिव्यांगांच्या सुश्रूशेसाठी इमारत उभारणीमध्ये सर्वतोपरी सहकार्य केले.

जळगावमध्ये पर्यावरण शाळेची उभारणी : पर्यावरणाचे महत्त्व पुढच्या पीढिला कळावे यासाठी मा. चंद्रकांतदादा पाटील यांच्या संकल्पनेतून जळगावमध्ये पर्यावरण शाळेची उभारणी करण्यात आली आहे.

आदिवासी पाडे केले प्रकाशमान : देश स्वतंत्र होऊन ७० वर्षाचा काळ उलटूनही जळगाव जिल्ह्यातील रुईखेडा आणि आंबापाणी या आदिवासी पाड्यांपर्यंत वीज पोहोचली नव्हती. मा. चंद्रकांतदादा पाटील यांच्या नजरेत ही बाब आल्यानंतर, त्यांनी जळगावचे पालकमंत्रीपद असताना आपल्या पालकमंत्री निधीतून या आदिवासी पाड्यातील नागरिकांचे जीवनमानच बदलून टाकले. जवळपास ७० लाख रुपये खर्चून या आदिवासी पाड्यावरील प्रत्येक घरात सोलर दिवे बसवून दिले.