कोल्हापूरमधील स्वयंसिद्धा ही महिला सबलीकरणाची अग्रगण्य संस्था. या संस्थेच्या माध्यमातून कोल्हापूर जिल्ह्यातील अनेक सामान्य महिला यशस्वी उद्योजिका बनल्या आहेत. २०१६ मध्ये या संस्थेला महिला प्रशिक्षणासाठी एका प्रोजेक्टरची आणि तत्सम काही उपकरणांची आवश्यकता होती. संस्थेच्या सदस्यांनी चंद्रकांतदादांची भेट घेऊन ही गरज त्यांच्यापुढे मांडली होती. त्यानुसार दादांनी वाढदिवसाचे औचित्य साधून एका अनोख्या संकल्पाची घोषणा केली. दादांनी आपल्या वाढदिवसनिमित्त कार्यकर्त्यांना आवाहन केले की, पुष्पगुच्छ नको मला रद्दी द्या! दादांच्या या अनोख्या संकल्पाची सर्वत्र चर्चा झाली. अनेकांना हा प्रश्न पडला की, दादा या रद्दीचं करणार तरी काय? पण आपण काय करतोय, हे दूरदर्शी चंद्रकांतदादांना नेमके ठाऊक होते…. त्यांनी वाढदिवसानिमित्त कोल्हापूरातून गोळा केलेली रद्दी विकून मिळालेल्या रक्कमेत स्वत:ची भर टाकून प्रोजेक्टर घेण्याचे ठरवले होते. मात्र, रद्दी विकून उभी राहिलेली रक्कमच इतकी होती की, त्यातूनच प्रोजेक्टर आणि तत्सम उपकरणे खरेदी करून ही रक्कम शिल्लक राहिली. आता, उर्वरित पैशांचे काय करायचे हा एक प्रश्नच होता. कारण लोकसहभागातूनच जमा झालेले हे पैसे होते. त्यामुळे दादांनी उर्वरित पैसेही त्याच उद्दात हेतूसाठी खर्च करण्याचा संकल्प केला. पश्चिम महाराष्ट्रात पावसाळ्यात महापूर किंवा दरड कोसळल्यासारख्या घटनांमध्ये अडकलेल्यांचे जीव वाचवण्याचे कार्य जीवनरक्षक श्री. दिनकर कांबळे अतिशय जोखीम पत्करून करत असत मात्र, त्याच्या कुटुंबाची आर्थिक परिस्थिती अतिशय हलाखीची असल्याने त्याने कोणत्याही प्रकारचे विमा सुरक्षा कवच घेतले नव्हते. दादांना ही बाब समजताच त्यांनी वाढदिवसानिमित्त उभ्या राहिलेल्या लोकसहभागातून दोन लाखाचा विमा उतरवून त्याचे आयुष्य सुरक्षित केले.